Alaksandr Łukašenka padpisaŭ ukaz, u adpaviednaści ź jakim vosiem miedykaŭ za šmathadovuju plonnuju pracu, vysoki prafiesijanalizm, vialiki asabisty ŭkład u achovu zdaroŭja nasielnictva i značnyja dasiahnieńni ŭ navukova-daśledčaj dziejnaści ŭdastojeny miedala «Za pracoŭnyja zasłuhi».
U liku ŭznaharodžanych — hałoŭny doktar kliničnaha radzilnaha doma Minskaj vobłaści Piotr Maśko, zahadčyk adździaleńnia aniestezijałohii, reanimacyi i intensiŭnaj terapii Bresckaj abłasnoj kliničnaj balnicy Uładzimir Salivončyk, rektar Viciebskaha dziaržaŭnaha miedycynskaha ŭniviersiteta Anatol Ščasny.
Hanarovaje zvańnie «Zasłužany dziejač navuki Respubliki Biełaruś» prysvojena zahadčyku kafiedry artapiedyčnaj stamatałohii Biełaruskaha dziaržaŭnaha miedycynskaha ŭniviersiteta Siamionu Navumoviču.
Alaksandr Łukašenka taksama padpisaŭ rasparadžeńnie, u adpaviednaści ź jakim 18 miedykaŭ udastojeny Padziaki Prezidenta za šmathadovuju plonnuju pracu, vysoki prafiesijanalizm, značny asabisty ŭkład u akazańnie miedycynskaj dapamohi nasielnictvu. U ich liku — namieśnik hałoŭnaha lekara Salihorskaha zanalnaha centra hihijeny i epidemijałohii Viktoryja Achramovič, doktar-infiekcyjanist (zahadčyca infiekcyjnaha adździaleńnia) Lidskaj centralnaj rajonnaj balnicy Anžalika Hančar, doktar-aniestezijołah-reanimatołah Hrodzienskaj abłasnoj infiekcyjnaj kliničnaj balnicy Ksienija Zykava, doktar-aniestezijołah-reanimatołah Mahiloŭskaj balnicy numar 1 Valeryj Kanankoŭ, zahadčyca epidemijałahičnaha adździeła — doktar-epidemijołah Minskaha haradskoha centra hihijeny i epidemijałohii Kaciaryna Chomčanka.