Padčas sustrečy u Baranavičach ź siabrami inicyjatyŭnych hrup alternatyŭnych pretendentaŭ u kandydaty Natalla Kačanava raspaviała cikavuju historyju pra Andreja Dźmitryjeva.
«Kazała, što Dźmitryjevu rabotu prapanoŭvali. Nie premjeram, nie ŭ Ministerstvie, ale dobraja pasada, hatovy ŭziać», — pierakazali «Našaj Nivie» detali toj sustrečy.
Čytajcie: Novaje śpieczadańnie Kačanavaj: sustrakajecca z prychilnikami apazicyi ŭ rehijonach i vysłuchoŭvaje ich
Dźmitryjeŭ kaža, što heta było ŭ 2018 hodzie, kali Kačanava jašče ŭznačalvała Administracyju prezidenta. Jany z Taćcianaj Karatkievič sustrakalisia z Kačanavaj u Navahrudku. Zapisalisia da jaje na pryjom, kab pieradać patrabavańni ludziej z forumaŭ rehijanalnaha raźvićcia, jakija jany praviali.
Fota Nadziei Bužan.
«Kačanava niešta skazała pra pasadu va ŭładzie: maŭlaŭ, ja b moh pakazać siabie ŭ realnaj pracy. Ale ja adkazaŭ, što nie baču sensu iści na hetu pracu, pakolki, kali hałasy buduć ličycca sumlenna, budu deputatam u parłamiencie pradstaŭlać svaju Dziaržynskuju akruhu», — patłumačyŭ palityk.
Dzmtryjeŭ prakamientavaŭ «NN» taksama ličby, jakija ahučyła Jarmošyna — pra zdadzienyja jaho štabam 62 podpisy.
«Heta pa stanie na pazaŭčora. A my tolki pazaŭčora ŭviečary skončyli pravierku podpisaŭ, šmat adbrakavali, bo pracavali vałanciory, praź situacyju z karanavirusam my nie zmahli narmalna pravieści navučańnie. Padaču podpisaŭ my adkłali na apošnija dva dni», — adkazaŭ jon.
