Siońnia, 17 červienia, na vytvorčaść kramy symbal.by pryjšli supracoŭniki milicyi, Centra hihijeny i epidemijałohii Centralnaha rajona Minska. Pa vynikach pravierki ŭładalniki atrymali patrabavańnie z 18 červienia prypynić pracu vytvorčaści da likvidacyi parušeńniaŭ, paviedamlaje Pavieł Biełavus.
U dakumiencie, dzie na dźvie staronki raśpisanyja parušeńni, napisana, što dziejnaść kramy «stvaraje pahrozu nacyjanalnaj biaśpiecy, pryčynieńni škody žyćciu i zdaroŭju nasielnictva, navakolnamu asiarodździu».
Dakumient padpisany hałoŭnym sanitarnym doktaram Centralnaha rajona Minska Siaredzičam.
Pakolki fizična i technična krama nie moža apieratyŭna vykanać tysiačy zamoŭ, jakija pryjšli za apošni tydzień na pradukcyju z dyzajnam «PSICHOZ%», krama pakidaje ŭ prodažy na sajcie symbal.by tolki tuju pradukcyju, jakaja na dadzieny momant realna jość u najaŭnaści.
Nahadajem, 12 červienia supracoŭniki Savieckaha RAUS horada Minska zabrali ŭ kurjera kramy symbal.by Maksima Bliźniukoviča 419 cišotak z nadpisam «PSICHOZ%».
15 červienia ŭ pamiaškańnie kramy symbal.by zavitali z pravierkaj supracoŭnik adździeła pa baraćbie z ekanamičnymi złačynstvami Savieckaha RUUS Minska razam z čatyrma hałoŭnymi dziaržaŭnymi padatkovymi inśpiektarami.
