U sakaviku 2016 hoda ŭ Asipovickim rajonie abrabavali dačny dom: chtości raźbiŭ akno na vierandzie i skraŭ televizar z prystaŭkaj ličbavaha telebačańnia, DVD-płejer i inšaje. Adzin z kryminalistaŭ znajšoŭ na miescy złačynstva dva adbitki ruk, jak paźniej vyśvietliłasia — haspadara i jaho siabra. Na aknie i ŭ domie byli znojdzienyja ślady kryvi. Pa papiarednich źviestkach, złačyniec paraniŭsia pabitym škłom, paviedamlaje Dziaržaŭny kamitet sudovych ekśpiertyz.
Usio, što zmahli vyśvietlić tady ekśpierty: kroŭ naležyć mužčynu. I tolki praz 4 hady sudmiedekśpiertam pastupiŭ na analiz uzor kryvi, jaki supaŭ z kryvioj dačnaha złodzieja. Im akazaŭsia 23-hadovy žychar vioski Hradzianka.
Na sudzie chłopiec nie staŭ admaŭlacca i całkam pryznaŭ vinu. Jamu pryznačyli štraf i abaviazali pakryć materyjalny ŭron haspadaru dačy.
