Niedarahi i dastupny preparat deksamietazon moža dapamahčy vyratavać žyćci mnohich ciažkachvorych pacyjentaŭ, u jakich byŭ dyjahnastavany karanavirus, śćviardžajuć brytanskija navukoŭcy, piša BBC.
Pavodle daślednikaŭ, uklučeńnie deksamietazonu ŭ kurs lačeńnia źnižaje ryzyku śmierci na 33% dla pacyjentaŭ na štučnaj vientylacyi lohkich (ŠVŁ) i na 20% — pacyjentaŭ z nasyčeńniem kryvi kisłarodam.
Kliničnyja vyprabavańni deksamietazonu pry lačeńni pacyjentaŭ z karanavirusnaj infiekcyjaj — častka maštabnych namahańniaŭ, jakija prymajucca pa ŭsim śviecie dla vyznačeńnia najbolš efiektyŭnych preparataŭ z užo isnych dla lačeńnia COVID-19.
Pavodle acenak daśledčykaŭ, kali b deksamietazon užyvaŭsia pry lačeńni «ciažkich» pacyjentaŭ z samaha pačatku pandemii, to ŭ Brytanii možna było b vyratavać da 5 tysiač žyćciaŭ.
Preparat niedarahi, tamu jaho efiektyŭnaść u baraćbie za žyćcio karanavirusnych pacyjentaŭ asabliva aktualnaja dla niebahatych krain ź vialikaj kolkaściu chvorych.
