Ab hetym kiraŭnik dziaržavy zajaviŭ padčas naviedvańnia «Hrodna-Azot», piša BiełTA.
Adkazvajučy na pytańni, kiraŭnik dziaržavy adznačyŭ, što Biełaruś i inšyja krainy ŭ roznyja hady sutykalisia z usploskam roznych virusaŭ i z usimi prablemami ŭdałosia spravicca. «Pieražyviom i heta. Nie takija karanavirusy ŭ našaj historyi byli, ale my žyvyja. Hałoŭnaje — zachavać svaju ziamlu, svoj kavałak ziamli dla siabie i dla našych dziaciej», — padkreśliŭ Alaksandr Łukašenka.
Adzin z rabotnikaŭ pradpryjemstva zaŭvažyŭ, što sioleta prezidenckija vybary supadajuć z druhoj, nie mienš haračaj i važnaj dla krainy kampanijaj — uborkaj uradžaju. U hetaj suviazi ŭ jaho ŭźnikła pytańnie: ci nie pieraškodzić pieršaja padzieja paśpiachova pravieści druhuju.
Alaksandr Łukašenka adkazaŭ, što pasiaŭnaja kampanija supravadžałasia pačatkam pandemii i tady hałoŭnaj zadačaj było svoječasova pasiejać uradžaj. Z hetym u krainie paśpiachova spravilisia.
«Vybary, nie vybary: Hałoŭnaja dla mianie i dla ŭsich zadača, na što ja aryjentuju padnačalenych, — heta ŭborka. Pandemija, vybary — jany skončacca, a jeści nam zaŭsiody chočacca», — skazaŭ kiraŭnik dziaržavy. Jon nahadaŭ, jakija byli prablemy z charčavańniem u 1990-ch: ježu razdavali pa tałonach.
«Nie daj boh znoŭ viarnucca da hetaha. My da hetaha ŭžo nikoli nie vierniemsia. Bo ŭsio, što treba dla ludziej, my siońnia vyrablajem pa prymalnych cenach», — źviarnuŭ uvahu jon.
