Fota Nadziei Bužan
U Minsku prainśpiektavali zachavańnie supraćepidemičnych i sanitarnych mier u śfiery handlu i pasłuh. Pačynajučy z krasavika abśledavana 6,3 tys. handlovych abjektaŭ, 550 ustanoŭ hramadskaha charčavańnia, 480 abjektaŭ bytavoha absłuhoŭvańnia. Vynik — u 90 % pravieranych pradpryjemstvaŭ piersanałam vykarystoŭvajucca srodki indyvidualnaj abarony, majucca antysieptyki, infarmacyjnyja tablički, naniesienaja raźmietka ŭ prykasavych zonach, paviedamlaje telehram-kanał Minharvykankama.
Ale jość vypadki, dzie praviłami hrebujuć. U asnoŭnym heta «pryspuščanyja maski», adsutnaść palčatak i nievykanańnie sacyjalnych dystancyj.
«Nie ŭsie supracoŭniki śfiery absłuhoŭvańnia prytrymlivajucca praviłaŭ. Časta maski ŭ pradaŭcoŭ znachodziacca na padbarodku ci visiać na vuchu, palčatki lažać pobač z kasavym aparatam, a nie nadzietyja na ruki. Cyrulniki absłuhoŭvajuć naviedvalnikaŭ biez srodkaŭ abarony. Pa nazirańniach, piersanał abjektaŭ staŭ bolš rassłablenym, čym u papiaredni miesiac. Hetuju situacyju treba vypraŭlać, tamu miery reahavańnia buduć uzmocnienyja», — adznačyła Nina Jemialjanava, načalnik hałoŭnaha ŭpraŭleńnia handlu i pasłuh Minharvykankama.
U nastupnyja vychodnyja dni adpaviednyja słužby prainśpiektujuć staličnyja rynki.
