Z-za vierahodnaha zabrudžvańnia Niomana Litva ŭručyła Biełarusi notu, u jakoj aficyjna prosić dać infarmacyju pra toje, ci fiksavałasia ŭ susiedniaj dziaržavie zabrudžvańnie raki, piša Delfi.lt.
Pra heta BNS u aŭtorak infarmavaŭ daradca ministra navakolnaha asiarodździa Justas Jaskonis. «Vice-ministr navakolnaha asiarodździa Justyna Hryharavičenie padpisała notu Biełarusi z nahody mahčymaha zabrudžvańnia Niomana. Nota budzie pieradadziena MZS Litvy, kab pieradać pa dypłamatyčnych kanałach susiedniaj Biełarusi», — skazała jana.
Paśla atrymańnia infarmacyi ab tym, što ŭ race Nioman, u Hrodzienskaj vobłaści Biełarusi, vyjaŭlenaja masavaja hibiel ryb, u paniadziełak ekśpierty litoŭskaha Ahienctva achovy navakolnaha asiarodździa ŭziali proby vady ŭ Alitusie i Druskienikach.
Masavy mor ryby zdaryŭsia ŭ Niomanie
