Pra heta kiraŭnik krainy skazaŭ na naradzie z aktyvam u Hrodnie, piša BiełTA.

Jon zajaviŭ, što Biełaruś moža znajści alternatyvu rasijskamu hazu hetak ža, jak u vypadku z naftaj.

«Dziakuj bohu, i nafty chapaje ŭ śviecie — biary, nie chaču. I ceny prymalnyja. I pryrodnaha hazu chapaje ŭžo, idzie bojka za premijalny jeŭrapiejski i naš rynak pamiž asnoŭnymi hulcami, jakija pastaŭlajuć pryrodny haz. I alternatyva jość, možna jaje znajści», — skazaŭ Łukašenka.

Raniej kazałasia, što aficyjny Minsk z kanca 2019 hoda inicyjuje źnizić canu na haz (z 127 dalaraŭ), jakaja ŭpała na spotavych rynkach u Jeŭropie na fonie rezkaha źnižeńnia suśvietnych cenaŭ na naftu.

Taksama Łukašenka dadaŭ, što Suśvietny bank moža vydzielić Biełarusi 300 miljonaŭ dalaraŭ na baraćbu z karanavirusam.

«Ci to Suśvietny bank… spačatku my damaŭlalisia, kab jany nam akazali padtrymku dzieści $90 młn, ciapier pahladzieli: cikavy vopyt Biełarusi, dajcie nam vopyt, my hatovyja vas prafinansavać až pad $300 młn. Heta ž zdabytak usiaho śvietu. Niachaj hladziać, jak my pracujem», — skazaŭ Alaksandr Łukašenka.

Клас
0
Панылы сорам
0
Ха-ха
0
Ого
0
Сумна
0
Абуральна
0