Alaksandr Łukašenka bačyć dobryja mahčymaści dla ekanamičnaha raźvićcia krainy i ŭ tym liku źviazvaje ich z bolš chutkim vychadam śvietu z pandemii. Pra heta jon zajaviŭ siońnia ŭ čas rabočaj pajezdki ŭ Hrodna, pieradaje BIEŁTA.

«Žyć možna. Treba tolki, kab chutčej vyjšli ŭsie z hetaj pandemii. Tamu što ekanomika ekspartna aryjentavanaja. Čym chutčej adkryjecca śviet paśla hetaj chvaroby, tym lepš budzie dla Biełarusi», — padkreśliŭ jon

Što tyčycca sielskaj haspadarki, Alaksandr Łukašenka kanstatavaŭ, što ŭmovy nadvorja ŭ hetym hodzie pakul składajucca jak nielha lepš. «Ja ŭžo dumaju, što, moža być, z-za pandemii, što mienš lotać pačali. Ja pamiataju tolki ź dziacinstva takoje nadvorje, kali navalnicy, dobryja daždžy ŭ hety čas», — adznačyŭ jon.

«Heta dla sielskaj haspadarki, pierapracoŭčaj pramysłovaści syravina — małako, miasa budzie. Heta, viadoma, vialikaja ŭdača», — skazaŭ biełaruski kiraŭnik.

Клас
0
Панылы сорам
0
Ха-ха
0
Ого
0
Сумна
0
Абуральна
0