Fota Nadziei Bužan

Fota Nadziei Bužan

Ministerstva achovy zdaroŭja Litvy zaćvierdziła śpis 45 krain, u jakich za apošnija 14 dzion uzrovień zachvorvańnia na karanavirus (COVID-19) byŭ vyšejšy za 25 vypadkaŭ na 100 000 žycharoŭ. Hety śpis budzie abnaŭlacca kožny tydzień. Jaho budzie abjaŭlać Ministerstva achovy zdaroŭja, piša Delfi.lt.

U śpisie ŭ asnoŭnym nie krainy Jeŭrasajuza i Jeŭrapiejskaj ekanamičnaj zony. Ludzi, jakija viarnulisia z hetych krain u Litvu, pavinny 14 dzion pravieści ŭ samaizalacyi. Akramia taho, jany na praciahu 48 hadzin pavinny zarehistravacca ŭ Nacyjanalnym centry hramadskaj achovy zdaroŭja, padać svaje danyja śpiecyjalistam.

Zamiežniki z hetych krain u Litvu mohuć pryjechać tolki ŭ vyklučnym vypadku. Tyja, chto atrymaje dazvoł na pryjezd, pavinny 14 dzion pravieści ŭ izalacyi.

U śpis uvachodziać takija krainy, jak Afhanistan, Arhiencina, Armienija, Azierbajdžan, Brazilija, ZŠA, Irak, Džybuci, AAE, Iran, Handuras.

Ź jeŭrapiejskich krain heta Andora, San-Maryna, Małdova, Hibrałtar, Paŭnočnaja Makiedonija, Partuhalija, Šviecyja i, biezumoŭna, Biełaruś, dzie 119 vypadkaŭ na 100 tysiač žycharoŭ za apošnija 14 dzion. 

Клас
0
Панылы сорам
0
Ха-ха
0
Ого
0
Сумна
0
Абуральна
0