Kamitet Sienata Kanhresa ZŠA pa ŭzbrojenych siłach uchvaliŭ vydzialeńnie $10 młn na realizacyju prajektaŭ pa skaračeńni času, nieabchodnaha dla praviadzieńnia jadziernaha vyprabavańnia. Adpaviednuju papraŭku da prajekta abaronnaha biudžetu na nastupny finansavy hod pryniali na zakrytym pasiadžeńni, paviedamlajuć infarmahienctvy.

Papraŭku prapanavaŭ sienatar-respublikaniec Tom Kotan. Poŭny tekst prajekta abaronnaha biudžetu na nastupny hod pavinien być apublikavany najbližejšym časam.

U kancy maja hazieta The Washington Post paviedamiła sa spasyłkaj na krynicy, što ŭ Administracyi prezidenta ZŠA abmiarkoŭvajecca pytańnie adnaŭleńnia ŭ krainie jadziernych vyprabavańniaŭ. Ich nie pravodzili z 1992 hoda.

Pavodle źviestak WP, sustreča, na jakoj uzdymałasia pytańnie ab adradžeńni jadziernych vyprabavańniaŭ, prajšła 15 maja. Napiaredadni Dziarždepartamient abvinavaciŭ Rasiju ŭ praviadzieńni ekśpierymientaŭ ź pieravyšeńniem krytyčnaj masy jadziernaha materyjału i enierhietyčnym vychadam. Akramia taho, vyprabavańni jadziernaj zbroi nasupierak damovam iduć u Kitai, paviedamlałasia ŭ dakładzie Dziarždepa.

Клас
0
Панылы сорам
0
Ха-ха
0
Ого
0
Сумна
0
Абуральна
0