Kiraŭnik BRSM Dźmitryj Varaniuk siońnia salidaryzavaŭsia ź sienatarkaj Marynaj Iljinoj, jakaja aburyłasia pikietam Siarhieja Cichanoŭskaha ŭ Hrodnie.

«Nie mahu prajści mima dziasiatka botaŭ, jakija sprabujuć ačarnić ŭładu i maju kalehu z Savieta Respubliki. Što dziejecca z zvarjaciełym elektaratam sumniŭnaha kandydata?» — napisaŭ jon.

«Inšych słoŭ padabrać pra kampaniju Cichanoŭskaha nie mahu. Kali jon pryvozić na pikiety pa 20-50 čałaviek i vystrojvaje ich u čarhu, kali nie moža adkazać ni na adno niazručnaje pytańnie, nazyvajučy heta pravakacyjaj? Dazvalaje sabie abražać ludziej?

Abražać žančyn naohuł, imavierna, u kryvi Cichanoŭskaha i jaho «prychilnikaŭ». Daloka pojdziecie… nie dalej za toje miesca, dzie zaraz sam Siarhiej, napeŭna. Bo za svaje ŭčynki zaŭsiody daviadziecca adkazać.

Maryna, Vašy kalehi z Vami. Jak i ŭsia kraina. Prabačym chłopcam ich žudasnaje vychavańnie», — napisaŭ Varaniuk i abačliva zakryŭ kamienty na svajoj staroncy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?