Abmiarkoŭvajučy siońnia nadzionnuju situacyju z prezidentam Małdovy Iharam Dadonam, Alaksandr Łukašenka adznačyŭ, što ciapier tolki lanivy nie kidaje kamiani z nahody, jakuju taktyku abrała Biełaruś va ŭmovach pandemii, piša BiełTA.

«Ale ja zaŭsiody kažu: kožny pastupaje adpaviedna tamu, jak składvajecca situacyja, — zaŭvažyŭ jon. — My z vami ludzi niebahatyja, našy narody niebahatyja, i nam treba pastajanna dumać pra toje, što budzie potym — paśla taho, jak heta skončycca. Heta ž viečna nie budzie».

Reahujučy na ​​padtrymku takoj pazicyi z boku prezidenta Małdovy, kiraŭnik biełaruskaj dziaržavy adznačyŭ: «Vy vielmi pravilna skazali.

Nam lepš vidać, jak pastupać u Biełarusi. Ja nie chaču vas stamlać ličbami, jak my tut chvarejem — nie chvarejem. Ja tolki skažu adno: daj boh, ja biełarusam heta kažu praź dzień, kab my prajšli hetuju epidemiju na takim uzroŭni i tak, jak siońnia składvajecca ŭ nas situacyja».

Alaksandr Łukašenka padkreśliŭ, što ŭ pieršuju čarhu nadaje ŭvahu situacyi z zachvorvańniem na pnieŭmanii, jakija vyklikaje karanavirus. Ale z usioj kolkaści pnieŭmanij karanavirusnyja składajuć tolki 30%. «Usie astatnija — jakimi ludzi chvareli i ŭ minułyja hady. U nas asobna lečacca ludzi z karanavirusnymi pnieŭmanijami. I ŭ nas, napeŭna, čverć tolki łožkaŭ zaniatyja ŭ špitalach, dzie my lečym ludziej z karanavirusam.

ŠVŁ ŭ nas tolki 10% zadziejničana, — raspavioŭ jon. — My 9-10% (pacyjentaŭ) trymajem na ŠVŁ. 5-7 dzion, vielmi redka dva tydni — heta ličanyja adzinki. I my vyratavali hetych ludziej, jakija byli na ŠVŁ kala dvuch tydniaŭ».

«Tamu ŭ nas niama takoj nieabchodnaści na dadzienym etapie — napružvacca. My jak śled zmahajemsia z hetaj zarazaj, — upeŭnieny biełaruski lidar. — Prosta my arhanizavalisia. Usia kraina. Dla taho, kab pieramahčy heta niaščaście. U asnoŭnym heta panika, infademija, jak jaje nazyvajuć žurnalisty».

Łukašenka nahadaŭ, što, sutyknuŭšysia z paprokami i padazreńniami, Biełaruś zaprasiła da siabie śpiecyjalistaŭ Suśvietnaj arhanizacyi achovy zdaroŭja. «Vysnova adna — my ničoha nie chłusili, nie chavali. I ja niekatorym, jakija nas siońnia padkrytykoŭvajuć, kažu: słabo vam uziać i zaprasić śpiecyjalistaŭ SAAZ, kab jany pahladzieli, chto kolki chłusić?» — zaŭvažyŭ jon.

Клас
0
Панылы сорам
0
Ха-ха
0
Ого
0
Сумна
0
Абуральна
0