Amal 750 tysiač rubloŭ pieraličana ŭ strachavy fond dapamohi rabotnikam achovy zdaroŭja, jakija zachvareli na COVID-19, paviedamiŭ karespandentu BIEŁTA staršynia Fiederacyi prafsajuzaŭ Biełarusi Michaił Orda.

Fota Nadziei Bužan

Fota Nadziei Bužan

Fond strachavańnia miedykaŭ byŭ stvorany ŭ pačatku krasavika pry prafsajuzie rabotnikaŭ achovy zdaroŭja. Jon farmirujecca za košt salidarnych adličeńniaŭ usich halinovych prafsajuzaŭ i dobraachvotnych achviaravańniaŭ hramadzian.

Na 29 krasavika prafsajuzy pieraličyli ŭ fond bolš za 630 tysiač rubloŭ, zvyš 117 tysiač — asabistyja ŭnioski ludziej. Achviaravańni ŭ hety fond nakiravali kala 6 tysiač čałaviek.

Pavodle słoŭ Michaiła Ordy, heta svajho rodu pakazčyk zhurtavanaści biełaruskaha hramadstva, jaho hatoŭnaść abjadnać svaje namahańni ŭ składany pieryjad.

Kab atrymać dapamohu z hetaha fondu, dastatkova pradastavić kopiju balničnaha listka i zapyt ad pieršasnaj prafsajuznaj arhanizacyi ŭstanovy achovy zdaroŭja. Kamisija pa raźmierkavańni hrašovych srodkaŭ, stvoranaja pry halinovym prafsajuzie, apieratyŭna razhledzić dakumienty. «My vyznačyli dla siabie maksimalny termin: paśla pradastaŭleńnia nieabchodnych dakumientaŭ vypłaty pavinny być zrobleny nie paźniej za try dni. Z fondu ŭžo pieraličana 25 tysiač rubloŭ u jakaści materyjalnaj dapamohi», — adznačyŭ staršynia FPB.

Prafsajuznyja arhanizacyi ŭsich halin akazvajuć i inšuju dapamohu ŭstanovam achovy zdaroŭja. U pryvatnaści, zakuplajuć i pieradajuć u balnicy i palikliniki maski, achoŭnyja miedycynskija kambiniezony, dezsrodki.

Клас
0
Панылы сорам
0
Ха-ха
0
Ого
0
Сумна
0
Абуральна
0