Na sajcie 22.02 / Mova Fest / OK16 sabrali ŭsie mahčymyja afišy mierapryjemstvaŭ, jakija na hetym tydni projduć da Dnia rodnaj movy — abirajcie na svoj hust! A voś top-10 ad Paŭła Biełavusa:
1. U Minskim płanietaryi 20-23 lutaha adbuducca premjernyja pakazy paŭnakupalnaha filma «Daloka ad Sonca». Film zastaniecca ŭ afišy płanietaryja na praciahu dvuch hadoŭ i budzie demanstravacca tolki na biełaruskaj movie.
2. Spadabałasia afiša Dnia rodnaj movy na fakultecie fiłasofii i sacyalnych navuk BDU.
3. 21 lutaha ŭ Litaraturnym muziei Maksima Bahdanoviča adbudziecca mierapryjemstva «Maksim B-wicz vs Maksim B-vič». Supracoŭnik muzieja Arciom Tarasievič pračytaje lekcyju, u jakoj raspaviadzie pra historyju źjaŭleńnia biełaruskaj łacinki, paralelnaje isnavańnie z kirylicaj, roznyja varyjanty napisańnia i ich pryncypovyja adroźnieńni. Paśla ŭsie prysutnyja zmohuć paŭdzielničać u majstar-kłasie, padčas jakoha zasvojać biełaruski łacinski šryft.
4. Tradycyjny Dzień rodnaj movy na žurfaku BDU. Taksama kreatyŭnaja afiša.
5. 21 lutaha stendap pa-biełarusku. Na scenie StandUp Comedy Hall (Minsk, vuł. Kujbyšava, 45) vystupiać adny z najlepšych i samych cikavych pradstaŭnikoŭ biełaruskaj kamiedyi, jakija buduć žartavać vyklučna na biełaruskaj movie.
6. 21 lutaha, u Mižnarodny dzień rodnaj movy, hurt Inomarki zładzić u minskim TNT Rock Club niezvyčajny trybjut-kancert, pryśviečany lehiendarnym biełaruskim rok-hurtam. Hurt rychtujem nie tolki samyja lubimyja, ale i časam niezasłužana zabytyja pieśni.
7. Tydzień rodnaj movy ŭ Licei BDU ŭ farmacie štohadovaha festu, jaki skončycca 21 lutaha vialikim kancertam «BelaRytm», u prahramie: Andruś Takindanh, Raman Arłoŭ, Kaciaryna Vadanosava, Atesta dy inšyja muzyki.
8. Zadzinočańnie biełaruskich studentaŭ ščyra zaprašaje studentaŭ i studentak 21 lutaha ŭ vielmi ciopłym atačeńni adśviatkavać Dzień rodnaj movy.
9. Dzień rodnaj movy ŭ Hrodnie z tradycyjnaj biełaruskaj dyktoŭkaj i kulturnaj prahramaj.
10. Abłasnoje śviata rodnaj movy ŭ Breście «Žyvyja vytoki».
A jašče tydni rodnaj movy ŭ Akademii navuk Biełarusi, u Čyrvonym kaściole, u Centry biełaruskaj movy ŭ Homieli i asobnyja mierapryjemstvy ŭ Vialikim teatry Biełarusi, EHU i roznych navučalnych ustanovach krainy.
