9 lutaha 18-hadovy žychar Hłybockaha rajona vyrašyŭ dabracca dadomu na aŭto. Svajoj mašyny ŭ jaho nie było. Jon skraŭ stareńki «Miersiedes», jaki naležaŭ adnamu ź jaho kaleh, paviedamlaje milicyja.

Źjechać daloka na mašynie nie atrymałasia praz pałomku, jakuju pryčyniŭ sam złodziej. Paśla chłopiec adpraviŭsia pa inšy transpartny srodak.

Jaho jon znajšoŭ niepadalok. Na hety raz, skarystaŭšysia kinutymi haspadarom klučami ŭ zapalvańni, małady čałaviek skraŭ aŭtamašynu «Reno Łahuna». Ale i na hety raz pajezdka akazałasia nie doŭhaj. Nie spraviŭšysia z kiravańniem, viaskoviec źjechaŭ u kiuviet.

Małady čałaviek byŭ zatrymany supracoŭnikami kryminalnaha vyšuku Hłybockaha RAUS. Zaviali kryminalnuju spravu.

Клас
0
Панылы сорам
0
Ха-ха
0
Ого
0
Сумна
0
Абуральна
0