Alaksandr Łukašenka zajaviŭ, što nie źbirajecca całkam raźličvacca ź biełaruskaj dačkoj «Hazproma». Pra heta jon paviedamiŭ padčas sustrečy z rabotnikami Śvietłahorskaha CKK, paviedamlaje sa spasyłkaj na ANT Tut.by.
«My damovilisia pa canie na haz — 127 [dalaraŭ za 1 tys. kub. m]. Ale my nie budziem płacić «Biełtranshazu» 18 dalaraŭ za tysiaču «kuboŭ». I vyjdzie, jak letaś, 111 dalaraŭ», — skazaŭ Łukašenka.
Siońnia, 14 lutaha, Biełaruś padpisała kantrakt z «Hazpromam» na pastaŭku hazu ŭ Biełaruś i jaho transparciroŭku praz terytoryju krainy na 2020 hod.
U «Hazprom transhaz Biełaruś» siońnia rastłumačyli Tut.by, što kantraktnaja cana na miažy ź Biełaruśsiu składaje 127 dalaraŭ za 1 tys. kub. m. «Plus da hetaha 19 dalaraŭ za tysiaču kubamietraŭ — nadbaŭka kampanii za dastaŭku hazu spažyŭcam», — skazali ŭ biełaruskaj «dački» «Hazproma». Ad inšych kamientaroŭ tam ustrymalisia.
U Minenierha Biełarusi atrymać apieratyŭny kamientar nie ŭdałosia.
