Dyrektar filijała «Ahienctva Minsktrans» Siarhiej Łasicki raspavioŭ u intervju «Transpartniku stalicy», što ŭ kijoskach «Tabakierka» ŭžo pradajucca bilety na prajezd, a voś ułasnyja kijoski «Minsktrans» pastupova prybiaruć. Prapracoŭvajecca pytańnie, kab u «Tabakiercy» možna było nie tolki kuplać razavyja kvitki, ale i papaŭniać prajaznyja.

Jon rastłumačyŭ, što masavy vyvad kijoskaŭ pačniecca z červienia. Da kanca hoda zastaniecca kala 25 punktaŭ prodažu.

Razhladajecca mahčymaść prodažu kvitkoŭ na rynkach i ŭ handlovych centrach. Niadaŭna adkryli punkt prodažu na Kamaroŭskim rynku.

Taksama Łasicki skazaŭ, što ŭ chutkim časie mohuć być ustanoŭlenyja terminały pa prodažy tałonaŭ i papaŭnieńni prajaznych.

Vyznačanyja miescy, dzie źjaviacca pieršyja dva terminały: heta prypynačny punkt kala HUMa i płošča Niezaležnaści.

Клас
Панылы сорам
Ха-ха
Ого
Сумна
Абуральна