Fota Nadziei Bužan
Pra heta paviedamiŭ padčas kruhłaha stała ŭ pres-centry BIEŁTA načalnik hałoŭnaha ŭpraŭleńnia prafiesijnaj adukacyi Minadukacyi Siarhiej Kaśpiarovič.
Pavodle jaho słoŭ, pa hetym pytańni praviedzieny šerah kruhłych stałoŭ, abmierkavańniaŭ. «Pieršy varyjant, vyniesieny na abmierkavańnie i razhlad, — pakinuć parohavyja značeńni na ŭzroŭni minułaha hoda, druhi — pavialičyć ich, treci — zusim anulavać. Pry hetym anulavańnie parohavych značeńniaŭ ni ŭ jakim razie nie varta rasceńvać jak adkryty ŭvachod u sistemu vyšejšaj adukacyi. Jano praduhledžvaje tolki toje, što vyklučna konkursnaja situacyja budzie vyznačać tych, chto pastupić», — raspavioŭ Siarhiej Kaśpiarovič.
U vyniku z ulikam tych ryzyk i pazityŭnych momantaŭ, jakija prysutničajuć padčas realizacyi kožnaha z hetych varyjantaŭ, papiaredniaje vyrašyli zachavać parohavyja značeńni na ŭzroŭni minułaha hoda. «Pytańnie pryjomu zakranaje vialikuju kolkaść hramadzian. Tamu luboje dziejańnie pavinna być asensavanym i surjozna ŭzvažanym.
Hetaja arhumientacyja jakraz i lehła ŭ asnovu taho, što na ciapierašni momant my schilajemsia da taho, kab zachavać parohavaje značeńnie na ŭzroŭni minułaha hoda», — adznačyŭ načalnik hałoŭnaha upraŭleńnia.
