Studenty, jakija viarnulisia z vakacyj z Kitaja, akramia azdaraŭlenčaha kompleksu «Bryhancina», buduć časova raźmiaščacca i ŭ Minskim abłasnym centry miedycynskaj reabilitacyi «Zahorje» (niekalki kiłamietraŭ na paŭdniovy ŭschod ad stalicy), piša Tut.by.
— U metach zabieśpiačeńnia bieśpierapynnaha miedycynskaha nahladu za studentami z KNR, jakija praciahvajuć navučańnie ŭ biełaruskich univiersitetach, naładžana ich azdaraŭleńnie ŭ SAK «Bryhancina» BDU i ŭ Minskim abłasnym centry miedycynskaj reabilitacyi «Zahorje», — adznačaje pres-sakratar Ministerstva achovy zdaroŭja Julija Baradun.
Jana padkreślivaje, što heta studenty, jakija nie kantaktavali z chvorymi karanavirusam, nie naviedvali epidemična-prablemnyja rajony i, bolš za toje, da vyjezdu ŭ Biełaruś užo prajšli 14-dzionny prafiłaktyčny karancin u Kitai. Na vučobu ŭ Biełaruś užo viarnulisia 174 kitajskija studenty, usiaho na vakacyi źjazdžali 920 čałaviek.
Biełarusaŭ, jakija płanavali reabilitacyju ŭ «Zahorji», raźmieściać u reabilitacyjnych centrach pad Minskam u vioskach Aksakaŭščyna i Atolina.
Pa słovach Julii Baradun, ciapier u «Zahorji» zaviaršajecca padrychtoŭčaja praca da pryjomu studentaŭ. Usie miedycynskija supracoŭniki prajšli dadatkovuju padrychtoŭku. Dla studentaŭ tut budzie arhanizavana indyvidualnaja forma navučańnia. Takija ž miery epidemičnaj biaśpieki ŭviedzieny va ŭsich abłaściach krainy, dzie navučajucca studenty z Kitaja.