12-13 lutaha 2020 hoda ŭ Brusieli ministry abarony krainaŭ NATO abmiarkoŭvali mahčymyja adkazy na vykliki biaśpiecy, jakija paŭstali ŭ suviazi z razhortvańniem rasijskaj rakietnaj sistemy SSC-8 (Novator 9M729). Jens Stoltenberh, hienieralny sakratar Paŭnočnaatłantyčnaha Aljansu, padčas pres-kanfierencyi ŭ Brusieli adkazaŭ na pytańnie žurnalista «Biełsatu».

Pytańnie tyčyłasia mahčymych zachadaŭ NATO, kab paźbiehnuć patencyjnaha raźmiaščeńnia rasijskich rakiet nie tolki ŭ Kalininhradzie, ale i ŭ Biełarusi i mahčymych pieramoŭ z aficyjnymi pradstaŭnikami Biełarusi na hety kont.

Jens Stoltenberh adkazaŭ:

— Biełaruś — partnior NATO, my cenim hetaje partniorstva. Biełaruś — heta suvierennaja nacyja, jakaja prymaje suvierennyja rašeńni, i my šanujem hetyja rašeńni. My taksama, viadoma, zaklikajem Rasiju pavažać suvierenitet i terytaryjalnuju cełasnaść usich nacyj u Jeŭropie, u tym liku Biełarusi. Heta pytańnie pavahi da taho, što ŭsie nacyi ŭ Jeŭropie — suvierennyja, z pravam prymać ułasnyja rašeńni biez umiašańnia z boku susiedziaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?