U kancylaryi prezidenta Polščy Andžeja Dudy stvarajuć kryzisny štab z-za płanavanaha vystupu na forumie pra Chałakost prezidenta Rasii Uładzimira Pucina, paviedamlaje RMF24.
Aściarohi Polščy vyklikanyja tym, što Pucin u čarhovy raz moža abyłhać Polšču, abvinavaciŭšy ŭ saŭdziele ŭ źniščeńni jaŭrejaŭ.
U prezidenckaj kancylaryi stvarajecca štab, jaki składajecca z kamunikacyjnych ekśpiertaŭ i historykaŭ, jakija chutka buduć reahavać na chłuślivyja zajavy Pucina.
Akramia taho, kancylaryja premjer-ministra Mateuša Maravieckaha padrychtavała sieryju płatnych artykułaŭ u amierykanskich i izrailskich hazietach, jakija zaklikany pakazać polskuju viersiju histaryčnych padziej.
