Miesiacovaja arbitalnaja stancyja Nacyjanalnaha ŭpraŭleńnia pa aeranaŭtycy i daśledavańni kaśmičnaj prastory ZŠA (NASA) vyjaviła na pavierchni spadarožnika Ziamli abłomki indyjskaha aparata «Vikram», jaki raźbiŭsia pry pasadcy ŭ vieraśni. Ab hetym paviedamlajecca na sajcie NASA.

NASA pradstaviła fatahrafiju ź miesca ŭdaru «Vikrama» ab pavierchniu Miesiaca, na zdymku paznačany roznymi kolerami abłomki aparata i ślady padzieńnia abłomkaŭ.

«Vikram», jaki ŭvachodziŭ u skład indyjskaj aŭtamatyčnaj miesiacovaj ekśpiedycyi «Čandrajan-2», pavinien byŭ miakka sieści na spadarožnik Ziamli 7 vieraśnia, ale na vyšyni kala 2 km nad Miesiacam aparat straciŭ kantakt z centram kiravańnia palotam, paśla čaho ŭrezaŭsia ab miesiacovuju pavierchniu i raspaŭsia.

Aparat pavinien byŭ dastavić na Miesiac nievialiki miesiacachod «Prahjan» dla daśledavańnia rajona Paŭdniovaha polusa spadarožnika Ziamli.

Клас
0
Панылы сорам
0
Ха-ха
0
Ого
0
Сумна
0
Абуральна
0