21-hadovaja žycharka Viciebska pajšła ŭ načny kłub, i ŭ jaje byŭ novieńki iPhone 11.

U bary jana pakinuła hadžet na barnaj stojcy i pajšła tancavać. A kali apamiatałasia i viarnułasia nazad, telefona na miescy ŭžo nie było. Naviedvalnica źviarnułasia pa dapamohu da administratara kłuba. Taja vyklikała milicyju, ale pasprabavała samastojna dapamahčy dziaŭčynie, paviedamlaje abłasnaja milicyja.

U kłubie vyklučyli muzyku, i supracoŭnica ŭstanovy patelefanavała na numar telefona. I miełodyja, zajhraŭšy, vydała złačyncu. Joju akazałasia 28-hadovaja naviednica.

Pryčym jana znachodziłasia ŭ stanie mocnaha ałkaholnaha apjanieńnia (2,76 pramile). Vyśvietliłasia, što momant złačynstva trapiŭ na kamiery videanazirańnia. Na zapisie było vidać, jak dziaŭčyna padyšła da stojki, dzie lažaŭ telefon, zamoviła sabie napoj u barmena. Pakul toj adviarnuŭsia, zabrała ajfon.

Zaviedziena kryminalnaja sprava.

Клас
0
Панылы сорам
0
Ха-ха
0
Ого
0
Сумна
0
Абуральна
0