Kožny čaćviorty biełarus sutykaŭsia z kibierzłačynstvami, u tym liku praz znajomych i svajakoŭ. Takija źviestki apytańnia pryvioŭ na pres-kanfierencyi načalnik upraŭleńnia pa raskryćci złačynstvaŭ u śfiery vysokich technałohij MUS Vadzim Uścinovič, paviedamlajuć Minsk-naviny.

Pa vynikach apytańnia, u jakim pryniali ŭdzieł bolš za 2,2 tys. čałaviek, vyśvietliłasia, što kožny dziaviaty biełarus vykarystoŭvaje licenzijnaje prahramnaje zabieśpiačeńnie, antyvirusy i internet-bankinh. Kožny treci ličyć, što infarmacyjnaj biaśpiecy pavinny navučać u škole i univiersitecie.

Pa słovach V. Uścinoviča, kožnaje dziasiataje złačynstva ŭ Biełarusi rehistrujecca ŭ śfiery vysokich technałohij. Pry hetym, pavodle apytańnia, abaronienym adčuvaje siabie kožny piaty respandent.

- Spadziajusia, heta sapraŭdy tyja, chto viedaje, što i jak rabić u virtualnym śviecie, — adznačyŭ V. Uścinovič. — I ŭsio ž realna abaronienym moža ličyć siabie tolki toj, chto nie vykarystoŭvaje smartfon i nie karystajecca pasłuhami internetu.

Patencyjnyja achviary kibierzłačyncaŭ — dzieci, piensijaniery i samaŭpeŭnienyja ajcišniki. Apošnija, uličvajučy ich vysoki dachod, mohuć pazbavicca značnych sum.

Клас
0
Панылы сорам
0
Ха-ха
0
Ого
0
Сумна
0
Абуральна
0