Pieršyja miery pa prypynieńni dapamohi Kijevu na sumu 250 miljonaŭ dalaraŭ byli pryniatyja Vašynhtonam 25 lipienia, praź niekalki hadzin paśla telefonnaj razmovy prezidenta ZŠA Donalda Trampa i ŭkrainskaha lidara Uładzimira Zialenskaha. Pra heta paviedamiŭ telekanał CNN sa spasyłkaj na dakumienty biudžetnaha kamiteta Pałaty pradstaŭnikoŭ Kanhresu ZŠA.

Pavodle infarmacyi telekanała, za tydzień da razmovy Trampa i Zialenskaha stała viadoma, što pradastaŭleńnie dapamohi zamarožvajecca pa rasparadžeńni Biełaha doma.

25 vieraśnia Bieły dom apublikavaŭ stenahramu razmovy Trampa i Zialenskaha, jakaja adbyłasia ŭ kancy lipienia. Detali hutarki prezidentaŭ stali padstavaj dla abviaščeńnia amierykanskimi parłamientaryjami pačatku pracedury impičmientu lidara ZŠA. U Kanhresie zajaŭlali, što heta budzie zroblena, kali ŭdasca dakazać fakt cisku Trampa na ŭkrainskaha kalehu ŭ suviazi z rasśledavańniem karupcyjnaj dziejnaści va Ukrainie Chantera Bajdena. Sienatary nazvali heta sprobaj abrynuć rejtynh jaho baćki Džo Bajdena, jaki źjaŭlajecca najbolš vierahodnym kandydatam ad Demakratyčnaj partyi na vybarach prezidenta ZŠA ŭ 2020 hodzie.

Клас
0
Панылы сорам
0
Ха-ха
0
Ого
0
Сумна
0
Абуральна
0