Napiaredadni «čornaje nočy» 29 kastryčnika i Dziadoŭ u Minsku pačynajucca mierapryjemstvy pa ŭšanavańni pamiaci achviaraŭ palityčnych represij stalinskaj pary. Projduć paetyčnyja viečaryny z čytańniem vieršaŭ rasstralanych paetaŭ, ekskursii, prezientacyi mastackich tvoraŭ. Raskład źmiaściŭ u svaim fejsbuku Źmicier Daškievič.
27 kastryčnika, 14:00 — Ekskursija, pryśviečanaja Pravasłaŭnaj carkvie ŭ hady savieckich represij.
27 kastryčnika, 19:00, «Hraj kafe» (Internacyjanalnaja 33) — «Viečar viečnych vieršaŭ».
28 kastryčnika, 13:00, Pres-kłub (Charužaj 3-601) — bryfinh «Rasstralanaja Biełaruś».
29 kastryčnika, 11:00 — 17:00, Kalvaryjskija mohiłki — Šlach Pamiaci pa miescach stalinskich represij: Kalvaryja, Civali, stancyja Miensk-Tavarny, Łošyca, Błahoŭščyna, Vajskovyja mohiłki, park Čaluskincaŭ.
29 kastryčnika, 20:00, Kurapaty, Hałhofa — «Noč rasstralanych paetaŭ».
31 kastryčnika, 18:30, placoŭka OK16 (Kastryčnickaja 16) — viečar paezii, prezentacyja dyzajnierskich partretaŭ represavanych litarataraŭ.
3 listapada — Dziady.
Taksama dałučycca da abarony Kurapataŭ i ŭšanavańnia pamiaci niavinna zabitych piśmieńnikaŭ i hramadskich dziejačaŭ možna, achviaravaŭšy na arhanizacyju hetych mierapryjemstvaŭ praz molamola.by/ i fejsbuk.
A chto maje natchnieńnie, zapisvajecie vieršy i prozu dy vykładajcie na svaje staronki ŭ sietkach pad cheštehami #Kurapaty #Nočpaetaŭ
