Statystyčnaje ŭpraŭleńnie Jeŭrasajuza (Eurostat) padličyła kolkaść upieršyniu vydadzienych u 2018 hodzie ŭ ES dazvołaŭ na pražyvańnie. Hramadzianie Biełarusi ŭvajšli ŭ top-5 pa kolkaści atrymanych dazvołaŭ na žycharstva ES za minuły hod (ažno 138 tysiač), a kali brać kolkaść vydadzienych dazvołaŭ na dušu nasielnictva, Biełaruś tut uvohule apiaredžvaje navat Ukrainu i stanovicca sumnym lidaram.

Letaś kolkaść ludziej, jakija atrymali ŭpieršyniu dazvoł na žycharstva ŭ Jeŭrapiejskim sajuzie, skłała 3,2 miljona čałaviek.

Amal pałova dazvołaŭ na žycharstva vydadzieny hramadzianam dziesiaci krain. Nu a pieršaja piaciorka krain vyhladaje nastupnym čynam.

  1. Ukraina: 527 tysiač (amal 78% u Polščy).
  2. Kitaj: 206 tysiač čałaviek (pałova ź ich atrymali dazvoł na žycharstva ŭ Vialikabrytanii).
  3. Indyja 197 tysiač čałaviek (amal 38% dazvołaŭ na žycharstva vydała Vialikabrytanija).
  4. Siryja: 174 tysiač čałaviek (71% u Niamieččynie).
  5. Biełaruś: 138 tysiač (92% u Polščy).

Choć Biełaruś i sastupaje ŭ hetym rejtynhu niekalkim krainam, u pieraraźliku na dušu nasielnictva Biełaruś vychodzić na pieršaje miesca. Naprykład, Ukrainie z nasielnictvam amal 42 miljony čałaviek vydadziena 527 tysiač dazvołaŭ na žycharstva ŭ ES (h.zn. 1,25% usich žycharoŭ Ukrainy atrymali letaś pieršy dazvoł na žycharstva ŭ ES). U Biełarusi ž nasielnictva składaje amal 9,5 miljona čałaviek, i 138 tysiač jaje hramadzian atrymali pieršy dazvoł na žycharstva ŭ ES letaś (1,45% ad usiaho nasielnictva Biełarusi).

92% dazvołaŭ na žycharstva biełarusam vydadziena ŭ Polščy — amal 127 tysiač čałaviek. U Litvie 3,5 tysiačy čałaviek, Čechii 1,9 tysiačy biełarusaŭ atrymali dazvoł na žycharstva.

Cikava toje, što Biełaruś krychu vyłučajecca na fonie inšych krain pa pryčynach vydačy dazvołu na žycharstva ŭ ES.

Siarod biełarusaŭ pa siamiejnych pryčynach dazvoł na žycharstva atrymlivaje tolki 2,7%, dla adukacyi — 4,3%, pracaŭładkavańnia — 19,5%, jašče 73,5% — pa inšych pryčynach.

Naprykład, ukraincy atrymlivali dazvoł na žycharstva ŭ asnoŭnym pa pryčynach pracaŭładkavańnia (65%), kitajcy dla adukacyi (67%), a marakancy (61%) atrymlivali dazvoł na žycharstva pa siamiejnych abstavinach.

Čyrvonym koleram — pa siamiejnych pryčynach, bardovym — dla navučańnia, zialonym — dla pracy, sinim — inšyja pryčyny.

Čyrvonym koleram — pa siamiejnych pryčynach, bardovym — dla navučańnia, zialonym — dla pracy, sinim — inšyja pryčyny.

Na siamiejnyja pryčyny prypadała amal 28% usich pieršych dazvołaŭ na žycharstva, vydadzienych u ES u 2018 hodzie, na pracaŭładkavańnie 27%, na adukacyju — 20%, u toj čas jak na inšyja pryčyny — 24%.

Najbolšaja kolkaść pieršych dazvołaŭ na žycharstva vydadziena ŭ Polščy, Hiermanii i Vialikabrytanii. U 2018 hodzie kožny piaty dazvoł na žycharstva byŭ vydadzieny ŭ Polščy (635 tysiač, abo 20% ad ahulnaj kolkaści dazvołaŭ, vydadzienych u ES), dalej idzie Hiermanija (544 tysiačy abo 17%), Vialikabrytanija (451 tysiača ci 14% ), Francyja (265 tysiač abo 8%), Ispanija (260 tysiač, taksama 8%), Italija (239 tysiač abo 7%) i Šviecyja (125 tysiač abo 4%).

Polšča vydała 328 tysiač dazvołaŭ na žycharstva pa pryčynach pracaŭładkavańnia i stała pieršaj krainaj u ES pa hetym pakazčyku. Vialikabrytanija vydała bolš za ŭsich dazvołaŭ na žycharstva dla atrymańnia adukacyi (190 tysiač). Hiermanija, Ispanija, Italija i Vialikabrytanija byli čatyrma dziaržavami-siabrami ES z najbolšaj kolkaściu dazvołaŭ na žycharstva, vydadzienych pa siamiejnych abstavinach.

U trynaccaci dziaržavach-siabrach ES najbolšaja kolkaść dazvołaŭ była vydadziena pa pryčynach pracaŭładkavańnia, najbolšaja dola nazirałasia ŭ Charvatyi (90% usich dazvołaŭ na žycharstva, vydadzienych u hetaj krainie), Litvie (77%), Słavienii (71%) i Słavakii (66% ). U dziesiaci dziaržavach-siabrach asnoŭnaja pryčyna vydačy dazvołaŭ na žycharstva była źviazana ź siamjoj, najbolšaja dola była zarehistravanaja ŭ Ispanii (52% usich dazvołaŭ na žycharstva, vydadzienych u hetaj krainie), Italii (51%) i Bielhii (50%). Adukacyja była asnoŭnaj pryčynaj ŭ Irłandyi (60% usich dazvołaŭ na žycharstva, vydadzienych u hetaj krainie) i Vialikabrytanii (42%).

Клас
0
Панылы сорам
0
Ха-ха
0
Ого
0
Сумна
0
Абуральна
0