U Homieli pjany 65-hadovy žychar abłasnoha centra imitavaŭ prystup epilepsii i ŭdaryŭ fielčara, paviedamlaje milicyja.

Incydent zdaryŭsia viečaram 23 kastryčnika. Minaki źviarnuli ŭvahu na nieadekvatnyja pavodziny pažyłoha mužčyny, jaki hučna maciukaŭsia, kidaŭsia z boku ŭ bok i sprabavaŭ paškodzić aŭtamabili. Na debašyra vyklikali milicyju.

Hamialčuk zrazumieŭ, što jaho chočuć dastavić u RAUS dla razboru, i zymitavaŭ prystup epilepsii. Pravaachoŭnikam pryjšłosia vyklikać miedykaŭ. U mašynie chutkaj dapamohi haradžanin nie supakoiŭsia. Padčas ahladu jon kułakom udaryŭ fielčara pa tvary. Milicyjanier dastaviŭ pacyjenta ŭ rajadździeł.

U kamiery mužčyna, užo ćviarozy, raskazaŭ, što paprasiŭ vyklikać chutkuju dapamohu ŭ nadziei paźbiehnuć adkaznaści. Jon raskajaŭsia, patłumačyŭ, što takija pavodziny spravakavaŭ ałkahol.

Zaviali kryminalnuju spravu za chulihanstva.

Клас
0
Панылы сорам
0
Ха-ха
0
Ого
0
Сумна
0
Абуральна
0