Zapusk kardonnaha zavoda ŭ Dobrušy płanujuć na 2020 hod. Pra heta paviedamiŭ siońnia žurnalistam pry naviedvańni abjekta staršynia Kamiteta dziaržaŭnaha kantrolu Leanid Anfimaŭ, pieradaje BiełTA.
Fota: BiełTA.
Pa słovach staršyni kamiteta, zaraz na razhlad kiraŭnika dziaržavy ŭnosicca prajekt ukaza, u adpaviednaści ź jakim buduć vyznačany krynicy finansavańnia dla zaviaršeńnia prajekta. Dapamohu ŭ jaho zaviaršeńni i naładžvańni vytvorčaści hatovaja akazać aŭstryjskaja kampanija.
«Dumaju, što ŭ 2020 hodzie my jaho [zavod — Red.] zapuścim. U prajekt užo ŭkładziena $265 miljonaŭ, tamu jon pavinien zapracavać», — skazaŭ Leanid Anfimaŭ.
Pieršapačatkova płanavałasia zapuścić hety zavod jašče ŭ 2015 hodzie.
Dla zaviaršeńnia prajekta chočuć pryciahnuć biudžetnuju pazyku ŭ pamiery $83 miljony.
Anfimaŭ adznačyŭ:
«Z adnaho boku, jość honar za krainu, što my realizujem takija maštabnyja prajekty, nam jany pad siłu, ale ź inšaha — pakul jon, na žal, nie pracuje, heta pomnik».