pixabay.com

pixabay.com

U Kramli ličać suvierennym pravam Biełarusi pieramovy pra kredyt z Kitajem, zajaviŭ pres-sakratar prezidenta Rasii Dźmitryj Piaskoŭ. Jaho cytuje RIA Naviny ŭ piatnicu.

Piaskoŭ taksama paviedamiŭ, što praciahvajucca rasijska-biełaruskija pieramovy pa zapytanym Minskam kredycie na 600 miljonaŭ dalaraŭ.

Raniej u piatnicu kiraŭnik Minfina Biełarusi Maksim Jermałovič zajaviŭ, što Minsk bolš nie prosić u Maskvy dziaržkredyt na hetuju sumu. Pavodle jaho słoŭ, pieramovy bakami nie viaducca. Jermałovič udakładniŭ, što kraina ŭžo praktyčna uzhadniła z kitajskim uradam kredyt 500 miljonaŭ dalaraŭ.

19 kastryčnika ministr finansaŭ Rasii Anton Siłuanaŭ anansavaŭ admoŭnaje rašeńnie adnosna pazyki Biełarusi, abmierkavańnie jakoj, pavodle jaho słoŭ, viadziecca ŭžo daŭno. Pry hetym u krasaviku Siłuanaŭ zajaŭlaŭ, što rasijski prezident uchvaliŭ vydzialeńnie srodkaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0