U redakcyju «Našaj Nivy» źviarnuŭsia čałaviek, abaznany ŭ pracesach, što adbyvajucca ŭ sistemie adukacyi Dziaržynskaha rajona. Na ŭmovach ananimnaści jon pahadziŭsia raskazać, što staić za pastupovym pieravodam himnazii horada Dziaržynska na ruskuju movu.

Čytajcie. Rusifikacyja: u biełaruskamoŭnaj himnazii Dziaržynska źjavilisia ruskamoŭnyja pieršyja kłasy

«Heta žadańnie vyklučna dyrektarki — Ludmiły Paŭchleb. Nijakich zajavaŭ ad baćkoŭ samich pa sabie nie było. Jana chacieła navat sioleta zrabić navučańnie całkam na ruskaj movie. Ale va ŭpraŭleńni adukacyi rajvykankama joj zrabić hetaha nie dali. I jakraz Paŭchleb dała zahad na pieravod dakumientacyi na ruskuju movu», — paviedamiła krynica.

«NN» raskazali, što ŭ Dziaržynsku isnavała praviła: dla nastaŭnikaŭ, jakija vykładajuć svaje pradmiety na biełaruskaj movie, vypłačvaŭsia dadatak da zarobku ŭ pamiery 30%. Heta doŭhi čas i matyvavała nastaŭnikaŭ vykładać pa-biełarusku. Takaja inicyjatyva znajšła vodhuk u staršyni rajvykankama Mikałaja Arciuškieviča. Nibyta i ciapier Arciuškievič nie ŭ zachapleńni ad takoj idei dyrektarki Paŭchleb.

«Jašče chacieŭ by adkazać na słovy načalnicy ŭpraŭleńnia rajvykankama Hapańkovaj, što ŭ vypusknikoŭ himnazii ŭźnikajuć prablemy pry pastupleńni ŭ techničnyja VNU praz terminałohiju. Heta nie tak, bo matematyka, fizika i chimija vykładalisia zaŭsiody na ruskaj movie», — raskazali «NN».

Ad 1 vieraśnia ŭ biełaruskamoŭnuju himnaziju horada Dziaržynska stali nabirać ruskamoŭnyja kłasy. Ciapier va ŭstanovie čatyry ruskamoŭnyja pieršyja kłasy pry adnym biełaruskamoŭnym. Školnaja administracyja spasyłajecca na žadańnie baćkoŭ.

Ciapier u internecie pačaŭsia zbor podpisaŭ suprać rusifikacyi himnazii.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?