Biełaruś zaklučyć damovu z amierykanskaj jurydyčnaj kampanijaj Crowell&Moring, kab taja dapamahła joj damahčysia pryznańnia jak krainy z rynkavaj ekanomikaj u ZŠA, paviedamlaje ministerstva ekanomiki.
Ciapierašni status dziaržavy ź niarynkavaj ekanomikaj dazvalaje ZŠA ŭžyvać u dačynieńni da biełaruskich tavaraŭ abmiežavalnyja mytna-ekspartnyja taryfy. Z-za hetaha ekspart takich tavaraŭ u ZŠA akazvajecca nievyhodny vytvorcam.
U ciapierašnim statusie Biełaruś znachodzicca z momantu raspadu SSSR. Pry hetym takija krainy, jak Rasija, Kazachstan, Ukraina, Łatvija, Litva, Estonija, Polšča, Čechija, Słavakija, Vienhryja i Rumynija paśpiachova asprečyli jaho.
Ministerstva ŭpeŭnienaje, što biełaruskaja ekanomika ŭžo mnohija hady adpaviadaje rynkavym pryncypam.
