Pra heta zajaviŭ hienieralny dyrektar stancyi Michaił Filimonaŭ siońnia ŭ čas pres-tura zamiežnych ŚMI na BiełAES, paviedamlaje BiełTA.
«Fizičny pusk čakajecca ŭ rajonie studzienia, dalej inšyja apieracyi, uklučeńnie ŭ sietku», - skazaŭ Michaił Filimonaŭ.
Raniej mierkavałasia zapuścić AES u śniežni 2019 hoda.
Dyrektar departamienta pa jadziernaj enierhietycy Ministerstva enierhietyki Vasil Paluchovič adznačyŭ, što kankretnaja data fizpusku buduć zaležać ad terminaŭ zavozu jadziernaha paliva i jaho pryjomki na stancyi.
«My nie honimsia luboj canoj (za terminami fizpusku). Biaśpieka ŭ pieršuju čarhu, i pieraskokvać praź niejkija etapy va ŭhodu čakańniam kaho b tam ni było my nie možam. Dla nas biaśpieka pierš za ŭsio», — padkreśliŭ Vasil Paluchovič.
