Biełaruś u 2020 hodzie moža źnizić abjom impartu hazu z Rasii z ulikam zapusku ŭłasnaj atamnaj elektrastancyi, paviedamiŭ siońnia žurnalistam ministr enierhietyki Biełarusi Viktar Karankievič na Biełaruskim enierhietyčnym i ekałahičnym forumie, paviedamlaje BIEŁTA.
«Jon (abjom pastavak u 2020 hodzie. - Zaŭvaha BIEŁTA) moža być nižej taho abjomu, jaki budzie spažyty ŭ hetym hodzie - u rajonie 20 młrd kub.m hazu», - adznačyŭ Viktar Karankievič, kamientujučy płany pa impartu rasijskaha hazu ŭ 2020 hodzie ŭ suviazi z zapuskam pieršaha błoka Biełaruskaj AES.
Pavodle jaho słoŭ, rabota pa padrychtoŭcy adpaviednaha kantrakta ciapier viadziecca na ŭzroŭni subjektaŭ haspadarańnia. «Mahu skazać tolki adno: u adpaviednaści z damovami, jakija ciapier dziejničajuć u hazavaj śfiery, praduhledžvajecca zadavalnieńnie ŭ poŭnym abjomie patrebaŭ RB ŭ pryrodnym hazie. Heta było i ŭ papiarednich hadach, i budzie na 2020 hod», - skazaŭ ministr.
Što tyčycca kankretnaj ličby pastavak na nastupny hod, to Viktar Karankievič adznačyŭ, što jašče viaducca adpaviednyja raźliki.
