Rasijskija vytvorcy chlebabułačnych vyrabaŭ paskardzilisia ŭ Jeŭrazijskuju ekanamičnuju kamisiju na isnujučyja ŭ Biełarusi abmiežavańni pa ŭvozu vyrablenaj imi pradukcyi. Pra heta paviedamlaje tut.by sa spasyłkaj na pres-słužbu JEEK.
Na minułym tydni barjery ŭ handli i inšyja ciažkaści pry pracy na transhraničnych rynkach abmierkavali ŭ Smalensku ekśpierty JEEK i pradstaŭniki biźniesu krain Jeŭrazijskaha ekanamičnaha sajuza.
Adnu z prablem ekspartu ŭ Biełaruś ahučyli rasijskija vytvorcy chlebabułačnych vyrabaŭ. Pa ich słovach, na terytoryi krainy isnuje šerah abmiežavańniaŭ pa ŭvozu vyrablenaj imi pradukcyi. Taksama ŭdzielniki paskardzilisia na dempinh cenaŭ z boku biełaruskich vytvorcaŭ małočnaj pradukcyi na rasijskim rynku.
Taksama pradprymalnikaŭ cikavili pytańni stvareńnia novych zon svabodnaha handlu krain JEAES ź inšymi krainami śvietu, a taksama ŭzajemnaje pryznańnie pamiž Rasijaj i Biełaruśsiu vadzicielskich paśviedčańniaŭ.