Biełaruś z 1 kastryčnika źnižaje ekspartnyja myty na naftu i naftapradukty, jakija vyvoziacca za miežy mytnaj terytoryi Jeŭrazijskaha ekanamičnaj sajuza. Adpaviednaje rašeńnie źmiaščajecca ŭ pastanovie Savieta Ministraŭ ad 26 vieraśnia 2019 hoda №659, paviedamlaje BiełTA sa spasyłkaj na Nacyjanalny pravavy internet-partał.
Staŭka ekspartnaha myta na syruju naftu składaje $87,2 za 1 t (raniej - $90,7).
Myta na pramahonny bienzin źniziłasia z $49,8 da $47,9 za 1 t, na tavarnyja bienziny — z $27,2 da $26,1 za 1 t.
Myta na lohkija, siarednija dystylaty taksama budzie na ŭzroŭni $26,1 za 1 t (była $27,2). Takoje ž myta ŭstanoŭlena ŭ dačynieńni da dyzielnaha paliva, bienzołu, tałuołu, ksiłołu, zmazačnych i inšych alivaŭ.
Raniej staŭki vyvaznych mytaŭ u dačynieńni da syroj nafty i asobnych katehoryj tavaraŭ, vyrablenych z nafty, źmianialisia 1 vieraśnia. Tady jany taksama byli źnižanyja.
