Z 1 kastryčnika ŭ Biełarusi padaražeje bieły kryštaličny cukar. Ułady vyznačajuć na jaho da kanca hoda minimalnuju roźničnuju canu 1,5 rubla. Heta značyć, znajści tańniejšy cukar nie atrymajecca, piša Tut.by.
Fota: pixabay.com.
Nahadajem, z 17 studzienia minułaha hoda z-za źjaŭleńnia ŭ prodažy rasijskaha cukru, jaki byŭ prykmietna tańniejšy za biełaruski, ułady na 90 dzion uviali rehulavańnie cen na hety tavar, a paźniej rašeńnie praciahnuli. Cana cukru na palicach z ulikam PDV nie pavinna była apuskacca nižej za 1,5 rubla za kiłahram. Vyraśli taksama zakupačnyja aptovyja ceny. Dziaržrehulavańnie skončyłasia 23 śniežnia minułaha hoda.
Ciapierašniaj pastanovaj ministerstva handlu praduhledžana, što minimalnaja roźničnaja cana jak na ŭvazny, tak i na biełaruski bieły kryštaličny cukar u roźnicy składzie 1,5 rubla (z PDV), adpusknaja cana franka-adpraŭleńnia (biez PDV) — 1,19 rubla, adpusknaja cana franka-pryznačeńnia (biez PDV) — 1,22 rubla.
Pastanova budzie dziejničać da 31 śniežnia ŭklučna.