Kazachstan maje namier padpisać dahavor ź Biełaruśsiu ab pastaŭkach nafty i naftapraduktaŭ da kanca 2019 hoda. Pra heta paviedamiŭ žurnalistam u piatnicu vice-ministr enierhietyki Kazachstana Asiet Mahaŭaŭ, paviedamlaje TASS.
«Ahułam tekst pahadnieńnia, ja dumaju, uzhodnieny pamiž dvuma halinovymi ministerstvami i «Biełnaftachimam». Zastalisia dva pytańni. Adno ź ich datyčycca abaviazacielstvaŭ biełaruskaha boku pa tym, što nie budzie reekspartu. Jość pytańnie, što našy naftapradukty nie pavinny dalej u trecija krainy sychodzić abo naftapradukty, vypracavanyja z našaj nafty, pavinny być dla ŭnutranaha spažyvańnia», — rastłumačyŭ vice-ministr.
Jon adznačyŭ, što druhi momant, jaki ciapier uzhadniajuć — heta čas ustupleńnia pahadnieńnia ŭ siłu. «Uličvajučy, što hetyja dva pytańni jašče nie źniatyja, ja dumaju, u kastryčniku my nie paśpiejem padpisać [pahadnieńnie], tamu što dastatkova praciahłyja pracedury ŭnutranaha ŭzhadnieńnia», - udakładniŭ Mahaŭaŭ.
