Navukoŭcy Kanady i ZŠA paviedamlajuć pra źniknieńnie ŭ Paŭnočnaj Amierycy troch miljardaŭ ptušak pačynajučy z 1970-ch hadoŭ. Straty składajuć amal 30% ad ahulnaj kolkaści ptušak. Imaviernaj pryčynaj navukoŭcy nazyvajuć razbureńnie miescaŭ pražyvańnia žyvioł, piša Science.

Usiaho navukoŭcy vyznačyli źmieny ŭ kolkaści 529 vidaŭ ptušak, što składaje kala troch čverciaŭ usich vidaŭ i 90% usioj papulacyi ptušak u Kanadzie i ZŠA.

Pa słovach śpiecyjalistaŭ, jany čakali, što bolš redkija vidy źniknuć, a raspaŭsiudžanyja kampiensujuć straty za košt bolš vysokaj ustojlivaści i prystasavanaści da roznych umoŭ asiarodździa. Vyśvietliłasia, što kolkaść ptušak 19 samych raspaŭsiudžanych vidaŭ, u tym liku vierabjoŭ, čaracianak, bieraścianak i čornych drazdoŭ, skaraciłasia.

Siarod pryčyn hibieli papulacyj prymianieńnie piestycydaŭ, skaračeńnie miescaŭ pražyvańnia, hłabalnyja źmieny klimatu i pavieličeńnie kolkaści badziažnych košak.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?