Maryja Bahamołava (sprava) padčas uborki kavunoŭ z Alaksandram Łukašenkam, 29 žniŭnia 2019-ha. Fota: BiełTA

Maryja Bahamołava (sprava) padčas uborki kavunoŭ z Alaksandram Łukašenkam, 29 žniŭnia 2019-ha. Fota: BiełTA

18 vieraśnia kiraŭnik Biełarusi Alaksandar Łukašenka zastupiŭsia za zvolnienuju paśla skandału ŭ homielskaj škole № 15 nastaŭnicu. Radyjo Svaboda pasprabavała daviedacca pra los pieršaj nastaŭnicy małodšaha syna kiraŭnika krainy Mikałaja Łukašenki.

U kancy žniŭnia 2019 hodu ahienctva BiełTA apublikavała fotarepartaž z prysiadzibnaha ŭčastku Alaksandra Łukašenki ŭ Drazdach. Kiraŭnik krainy źbiraŭ uradžaj. Hetym razam — kavunoŭ.

Rabiŭ jon heta nie adzin i nia z hrupaj nabližanych čynoŭnikaŭ i biznesoŭcaŭ. Pobač z kiraŭnikom krainy ŭśmichalisia i źbirali śpiełyja kavuny maładyja dziaŭčaty. Častku ź ich karystalniki sacsietak i žurnalisty identyfikavali amal adrazu: pres-sakratarka Łukašenki Natalla Ejsmant, supracoŭnica słužby dyplamatyčnaha pratakołu Darja Šmanaj, himnastka Ksienija Sankovič, aktorka Kupałaŭskaha teatru Marta Hołubieva, udzielnica konkursu pryhažości «Mis Viasna 2017» Darja Kraŭčuk, studentka fakultetu mižnarodnych adnosin BDU Hanna Ivanova.

Kavunovy bataljon Łukašenki: chto hetyja dziaŭčaty? FOTY

Jašče pra adnu dziaŭčynu, jakaja trapiła ŭ fotarepartaž BiełTA z prezydenckaha harodu, ŚMI viadomaje tolki imia — Maryja Bahamołava. Amal usie sproby znajści bolš infarmacyi pra hetuju maładuju žančynu raźbivajucca ab ścieny tajamničaści.

Nastaŭnica toj samaj škoły ŭ Astrašyckim Haradku

Pieršaha vieraśnia 2011 hodu kiraŭnik krainy Alaksandar Łukašenka ŭračysta pryjechaŭ na školnuju liniejku ŭ Astrašycki Haradok. Jak raskazvali žurnalisty telekanału STV u svaim repartažy adtul — nia tolki ŭ jakaści kiraŭnika krainy, ale i ŭ jakaści baćki pieršaklaśnika.

Mikałaj Łukašenka pajšoŭ u škołu mienavita ŭ Astrašyckim haradku. Videasiužet z padziei zaniaŭ krychu bolš za 7 chvilin. BiełTA apublikavała niekalki fatazdymkaŭ adtul.

Maryja Bahamołava ŭ klasie z Alaksandram Łukašenkam, 1 vieraśnia 2011. Fota: BiełTA

Maryja Bahamołava ŭ klasie z Alaksandram Łukašenkam, 1 vieraśnia 2011. Fota: BiełTA

Na kadrach, źniatych u klasie Mikałaja Łukašenki, možna zaŭvažyć maładuju nastaŭnicu. Jaje imia nie paviedamlałasia. Padrabiaznaściaŭ pra navučańnie Mikałaja Łukašenki ŭ škole paśla hetaha nie było niekalki hadoŭ. Da taho momantu, pakul niezvyčajny vučań nie pierajšoŭ u 3 «B».

«U jahonaj klasie 11 čałaviek, Kola 12-y, — paviedamlaŭ u svaim repartažy sa škoły ŭ Astrašyckim Haradku partał Tut.by. — Chłapčukoŭ šaściora. Kola na hałavu vyšejšy za inšych dziaciej. Ale nia samy vysoki ŭ klasie — na vyhlad druhi. Klasu supravadžaje maładaja chudarlavaja ciomnavałosaja miascovaja nastaŭnica Maryja Bahamołava. U ścipłym sinim płaščy i karotkaj čornaj spadnicy ŭ składki. Pobač ź joj i Kolem — zaŭsiody achoŭnik».

Žurnalistaŭ Tut.by puścili ŭ škołu, dzie vučycca syn kiraŭnika krainy, z nahody śviata, jakoje vučniam arhanizavali ratavalniki. Adnak parazmaŭlać ni z samim Kolem Łukašenkam, ni ź jaho nastaŭnicaj Maryjaj Bahamołavaj žurnalistam nie ŭdałosia. Ich navat nie puścili na ŭrok u 3 «B». Pa słovach dyrektarki škoły, «tudy nielha, na trecim paviersie my nia chodzim, tym bolš nie fatahrafujem».

Zvolniłasia paśla pierachodu Mikałaja Łukašenki ŭ starejšyja klasy?

U 2014 hodzie Mikałaj Łukašenka pierajšoŭ u 5-ju klasu. Adpaviedna, nastaŭnica pačatkovych klasaŭ Maryja Bahamołava bolš nie mahła vučyć syna kiraŭnika krainy. Na raźvitalnaj liniejcy ŭ 2014 hodzie jana staić pobač z Alaksandram Łukašenkam i jahonym synam Mikałajem.

Maryja Bahamołava pobač z kiraŭnikom dziaržavy na zaklučnaj liniejcy 4-klaśnika Koli Łukašenki, 2014 hod. Fota: Tut.by

Maryja Bahamołava pobač z kiraŭnikom dziaržavy na zaklučnaj liniejcy 4-klaśnika Koli Łukašenki, 2014 hod. Fota: Tut.by

Infarmacyja pra Bahamołavu zastavałasia na sajcie škoły da 2015 hodu (ciapier jana dasiažnaja tolki ŭ internet-archivie). U samoj navučalnaj ustanovie Svabodzie paviedamili, što razmaŭlać pra maładuju nastaŭnicu nia buduć.

«Davajcie biez kamentaroŭ usio, što datyčyć… — skazała ŭ telefonnaj razmovie dyrektarka škoły Kaciaryna Machachiej. — Čamu? Ja vam rekamenduju źviazacca z Maryjaj Viktaraŭnaj i asabista hutaryć. Da pabačeńnia».

Pres-sakratarka kiraŭnika krainy Natalla Ejsmant taksama nia stała adkazvać na pytańnie Svabody pra toje, jakim čynam nastaŭnica pačatkovych klasaŭ z Astrašyckaha Haradku źjaviłasia na ŭborcy kavunoŭ u harodzie Alaksandra Łukašenki.

Ejsmant paviedamiła, što nia bačyć mahčymaści dzialicca pryvatnaj infarmacyjaj inšych asobaŭ, i paraiła źviartacca pa kamentary da samoj Maryi Bahamołavaj.

Svaboda pasprabavała źviazacca z Maryjaj Bahamołavaj praz Fejsbuk. Pieršaja nastaŭnica Mikałaja Łukašenki pračytała paviedamleńnie i vydaliła svoj akaŭnt.

Sełfi na paradzie ź VIP-trybuny, fota z Mašenskim i Poŭnym, pajezdki ŭ Kitaj

Paśla fotarepartažu BiełTA z uborki kavunoŭ Maryja Bahamołava źnikła z sacyjalnych sietak. Jaje akaŭnty zakrytyja, pra miesca pracy nieviadoma, fota niedasiažnyja.

Znajści niekalki dziasiatkaŭ zdymkaŭ jašče niejki čas nazad možna było tolki ŭ tak zvanym «kešy» pošukavych system i servisaŭ (redakcyja maje hetyja vyjavy). Na ich Maryja Bahamołava viadzie žyćcio paśpiachovaj i spartovaj maładoj žančyny.

Tut i sumiesnyja fota z zorkaj rasiejskaj televizii Andrejem Małachavym, rasiejskim kampazytaram Iharam Krutym i ŭsiaśvietna viadomaj biełaruskaj tenisistkaj Viktoryjaj Azarankaj. I zdymki ź zimovych spabornictvaŭ u łyžnych honkach u Miensku pobač sa śviatarom Fiodaram Poŭnym (ŚMI nazyvajuć jaho «duchoŭnikam Łukašenki») i samym upłyvovym biznesoŭcam Biełarusi (pavodle versii «Ježiednievnika») Alaksandram Mašenskim. I sełfi z Kitaju, ź VIP-trybuny padčas vajskovaha paradu ŭ Miensku, sa stadyjonu «Dynama» na niadaŭnich Eŭrapiejskich hulniach.

Pry hetym Maryja Bahamołava nie apublikavała nivodnaha sumiesnaha fota ź Mikałajem Łukašenkam albo z kim-niebudź inšym ź siamji kiraŭnika krainy.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?