Hiermanskaja delehacyja na čale ź dziaržaŭnym sakratarom fiederalnaha Ministerstva ekanomiki i enierhietyki Hiermanii Ulrycham Nusbaŭmam 25—27 vieraśnia naviedaje Biełaruś. Pra heta paviedamiŭ siońnia na bryfinhu načalnik upraŭleńnia infarmacyi i ličbavaj dypłamatyi — pres-sakratar MZS Biełarusi Anatol Hłaz, piša BiełTA.

Papiaredni vizit pradstaŭnika kiraŭnictva dadzienaha hiermanskaha ministerstva ŭ Biełaruś byŭ u 2009 hodzie. U skład dziełavoj častki delehacyi ŭvojduć top-mieniedžary bujnych kampanij Hiermanii, bolšaść ź jakich užo prysutničaje na biełaruskim rynku. Členy delehacyi praviaduć sustrečy ź ministrami ekanomiki i finansaŭ Biełarusi, namieśnikam ministra zamiežnych spraŭ, naviedajuć šerah pradpryjemstvaŭ, Kitajska-biełaruski industryjalny park «Vialiki kamień». Akramia taho, praduhledžany ŭdzieł u Dniach niamieckaj ekanomiki ŭ Biełarusi.

Pryjezd u Biełaruś pradstaŭničaj hiermanskaj delehacyi śviedčyć ab uzajemnaj zacikaŭlenaści Biełarusi i Hiermanii ŭ dalejšym raźvićci i pašyreńni dvuchbakovaha handlova-ekanamičnaha i inviestycyjnaha supracoŭnictva, dla jakoha jość značny patencyjał.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?