Prahrama pahłybleńnia intehracyi pamiž Biełaruśsiu i Rasijaj nie vychodzić za ramki Sajuznaj damovy, padpisanaj u 1999 hodzie. Pra heta paviedamiŭ siońnia žurnalistam načalnik upraŭleńnia infarmacyi i ličbavaj dypłamatyi — pres-sakratar MZS Anatol Hłaz, infarmuje BiełTA.

«Ažyjataž, jaki paŭstaŭ, stvorany całkam na pustym miescy. Dla jaho niama nijakich padstavaŭ, — padkreśliŭ Anatol Hłaz. — Chacieŭ by jašče raz nahadać najmieńnie prajekta: «Prahrama dziejańniaŭ Respubliki Biełaruś i Rasijskaj Fiederacyi pa realizacyi pałažeńniaŭ Dahavora ab stvareńni Sajuznaj dziaržavy». Mienavita ŭ hetym zakładzieny sens dakumienta. Ničoha, što vychodzić za ramki Sajuznaj damovy 1999 hoda, tam być nie moža».

Jak paviedamlałasia, Prahramu dziejańniaŭ pa intehracyi i šerah pahadnieńniaŭ prezidenty Biełarusi i Rasii płanujuć padpisać u śniežni. Ab hetym raniej paviedamlaŭ žurnalistam ministr ekanomiki Biełarusi Dźmitryj Kruty. «Prezidenty pavinny padpisać prahramu i pakiet darožnych kart, a taksama šerah pahadnieńniaŭ, jakija vyrašajuć dla nas adčuvalnyja pytańni. U pieršuju čarhu pa hazie. Heta budzie prezidencki pakiet», - zajaviŭ ministr.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?