«Naša Niva» pacikaviłasia ŭ katalickaha arcybiskupa Tadevuša Kandrusieviča, jakija dumki jon maje pra zdareńnie ŭ Homielskaj škole.
«Situacyja nahadvaje pra toje, što niešta z vychavańniem maładoha čałavieka niešta treba rabić. Treba kab i nastaŭnik adčuvaŭ prablemy vučnia, ale i vučań pavinien bačyć nastaŭnika ŭ tym, chto jaho vychoŭvaje. Prablem šmat! My bačym Stoŭbcy: małady čałaviek žyćci zahubiŭ! I nastaŭnika, i siabra svajho. A chto pravy, chto vinavaty ŭ Homieli mnie ciažka aceńvać. Heta prablema duchoŭnaha stanu našaha hramadstva, takija rečy nie pavinny zdaracca — heta sihnał, što duchoŭnaje vychavańnie kulhaje mocna, što treba štości rabić. A recepty jość. Duchoŭny elemient pavinien prysutničać u vychavańni maładoha čałavieka! U škole vučać, napeŭna, dobra? Ale čałaviek heta nie tolki cieła, ale i duša. Možna vyvučyć supierśpiecyjalista, ale jašče i čałaviekam treba navučyć być. I chtości pavinien vychavać heta: čamu niama kapiełanaŭ ni ŭ škole, ni va ŭniviersitecie, ni ŭ vojsku? Nie pra pastarskaje havaryć, a pra duchoŭnaje».
