Były deputat Viarchoŭnaj Rady Ukrainy Nadzieja Saŭčanka budzie vieści prahramu «Kamientatar. Viarchoŭnaja rada ź insajtam» na telekanale Zik. Anons prahramy kanał apublikavaŭ na YouTube.
U prahramie Saŭčanka źbirajecca raskazvać ukraincam pra «sakrety Rady» i «kułuarnyja razmovy». Eks-deputat maje namier paviedamlać, jak u parłamiencie prymajucca zakony i traciacca biudžetnyja srodki.
U lipieni na vybarach u Viarchoŭnuju radu Saŭčanka bałatavałasia ŭ adnamandatnaj vybarčaj akruzie № 51 u Danieckaj vobłaści. Adnak jana nie atrymała dastatkovaj kolkaści hałasoŭ, tamu nie trapiła ŭ parłamient.
