Alaksandr Łukašenka ŭ Breście prakamientavaŭ handlovyja sprečki z Rasijaj i nahadaŭ pra Čarnobylskuju AES.

«Na ekanomiku vyjšli. I pačynajuć tarhavacca — pryrodny haz, nafta i inšaje». «My ni ŭ koha ničoha prasić nie budziem. Nadakučyła ŭžo hetyja razmovy vieści, nadakučyła słuchać», — adznačyŭ jon.

Łukašenka pryvioŭ prykład katastrofy na Čarnobylskaj AES.

«My što, budavali hetu stancyju? Nie. My jaje ŭzryvali? Nie. A chto paciarpieŭ bolš? My. Tady centralnaja ŭłada ŭ asobie Michaiła Harbačova ŭziała na siabie adkaznaść za Biełaruś. Inšym razam hrošy ŭkładvali ŭ takuju «durninu», što i nie treba było ŭkładvać. Ale jak razumieli, tak i ratavali Biełaruś. Kraina razvaliłasia. Chto pravapierajemnik… — zaŭvažyŭ kiraŭnik dziaržavy. — Jany zaŭsiody kažuć — ułady Rasii: «My pravapierajemniki Savieckaha Sajuza». I ŭ suviazi z hetaj pravapierajemnaściu my pieradali tudy biaspłatna samaje darahoje, što siońnia staić na varcie biaśpieki Rasii, — jadziernuju zbroju, i naohuł vybudoŭvali svaju palityku (ja zaŭsiody havaru: heta adzinaja naša Ajčyna). Ja Pucinu havaru: «Heta i maja Rasija, heta maja kraina». Tamu što biełarusy dušu svaju ŭkłali ŭ raźvićcio toj krainy, u tym liku i Rasii. Hetak ža, jak leninhradcy dapamahali nam paśla vajny Minsk adnaŭlać. Usio pierapleciena, usio adzina».

«Ale Čarnobyl zdaryŭsia. Pravapierajemniki… Treć nasielnictva [Biełarusi], my tam da hetaha času draŭninu nie možam vykarystoŭvać, tamu što vysokaje nakapleńnie radyjacyi. Ale ty choć by za heta (my nie prosim hrošaj, ničoha) dapamažy — miljardaŭ 10-15 kubamietraŭ hazu pa prymalnych cenach. Nie biaspłatna, nie na stratu Hazpramu, pastaŭ u Biełaruś. Ludzi ž paciarpieli. I jak pravapierajemniki. Heta ja adzin fakt pryvioŭ», — dadaŭ Alaksandr Łukašenka.

«I kali nam kažuć: dy vy tut hiry na nahach, za naš košt žyviacie… Kali takaja palityka, abydziemsia», — padkreśliŭ Łukašenka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?