U HZC «Tytan» 7 vieraśnia a 12-j hadzinie adkryjecca pieršaja ŭ krainie dziciačaja aŭtaškoła razam z DAI i MNS. Kožnaje dzicia zmoža biaspłatna navučycca kiravać mini-aŭtamabilem, prajści test na viedańnie PDR i navat aprabavać svaje navyki na «placoŭcy».

Fiestyval dapamoža raskryć u dziciaci talent piłota. Tematyčnyja zony razhornuty DAI i MNS, jakija raskažuć asnoŭnyja praviły darožnaha ruchu i pažarnaj biaśpieki. A jašče — pakažuć, jak kiravać mini-aŭtamabilem i dziejničać u niebiaśpiečnaj situacyi. Chłopčyki i dziaŭčynki zmohuć zdać test na viedańnie PDR i prajści kvest z havarkoj nazvaj «Pierakryžavańnie». Taksama možna budzie paŭdzielničać u vodnym bijatłonie, prymieryć formu vyratavalnika i pasiadzieć u kabinie pažarnaha aŭtamabila.

Budučym piłotam budzie pryśviečana i hulniavaja zona, a pobač ź joj raźmieścicca vystava śpiectechniki. Tyja, kamu praściej krucić piedali, zmohuć prajechać viełatrasu i paŭdzielničać u estafiecie. Samyja aktyŭnyja atrymajuć kaštoŭnyja padarunki.

Akramia taho, naviedvalnikaŭ čakajuć kancert i navukovaje šou, dzie razburać niekatoryja aŭtamabilnyja mify. Taksama možna budzie zhulać u tenis, «pahutaryć» z nasielnikami kantaktnaha zaaparku i pasmakavać małočnyja pačastunki. Praduhledžany i majstar-kłasy: dziaciej navučać stvarać karciny kalarovym piaskom i karystacca kampjutaram. Nastroj buduć stvarać fotazona, rastavyja lalki i biaspłatny akvahrym.

«Dziciačaja aŭtaškoła — novy dla krainy farmat raboty ź dziećmi. Kožnaje dzicia, jakoje maryć kiravać aŭtamabilem, zmoža atrymać karysnyja viedy razam z DAI i MNS. To-bok heta i sposab viesieła pravieści čas, i ŭkład u prafiłaktyku biaśpiečnych pavodzin na darozie. Darosłym taksama budzie cikava: kožny zmoža pravieryć svaje viedy praviłaŭ darožnaha ruchu i pažarnaj biaśpieki», — zapeŭnivajuć arhanizatary.

Dziciačaja aŭtaškoła budzie pracavać na placoŭcy kala HZC «Tytan» 7 vieraśnia z 12 da 15 hadzin. Uvachod volny.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?