Kab było cikava nazirać za pieradvybarnaj kampanijaj, pavinna być šalonaja kankurencyja. Ale ŭ nas jaje nie byvaje i nikoli nie budzie. Pra heta ŭ prahramie «Tydzień» telekanała STB zajaviła staršynia CVK Lidzija Jarmošyna.
«Kab było cikava nazirać, pavinna być šalonaja kankurencyja. Ale ŭ nas jaje nie byvaje i nikoli nie budzie. I pryčym biez usialakich administracyjnych resursaŭ, — zajaviła Lidzija Jarmošyna. — Ja pamiataju, na minułyja vybary kažu adnoj z abłaściej: «Čamu ŭ vas takaja kolkaść akruhaŭ biezalternatyŭnaja?» Jany kažuć: «A što my možam zrabić? Nie vyłučajucca». I sapraŭdy: nivodnaj admovy ŭ rehistracyi».
Adkazvajučy na pytańnie pra rolu ŚMI ŭ vybarčaj kampanii, Jarmošyna zaklikała nie admaŭlacca ad udziełu ŭ teledebatach:
«Srodki masavaj infarmacyi ŭ lubym vypadku pracujuć z kandydatami. Pa-pieršaje, jany pišuć pra kampaniju. Potym srodki masavaj infarmacyi, asabliva vaš STV, — vy ž budziecie tranślavać teledebaty.
Kali buduć kandydaty nie admaŭlacca ad teledebataŭ… A jany nie pavinny admaŭlacca ni ŭ jakim razie, bo kali admaŭlajecca kandydat pradziaržaŭnaj nakiravanaści, skažam tak, pradstaŭniki tak zvanaj demakratyčnaj hramadskaści kažuć: «A my adzin z adnym — demakraty — debatavać nie budziem. Dajcie nam pradstaŭnika «Biełaj Rusi». Heta mnie całkam aficyjna adzin z pradstaŭnikoŭ demakratyčnaj apazicyi zajaviŭ».
