U pavietrana-kaśmičnych siłach Rasii zajavili, što zajavy Paŭdniovaj Karei i Japonii ab parušeńni rasijskimi samalotami pavietranaj prastory nie adpaviadajuć rečaisnaści.
Pa słovach kamandujučaha dalokaj avijacyjaj VKS Rasii Siarhieja Kobyłaša, rasijski bok rasceńvaje dziejańni lotčykaŭ VPS Paŭdniovaj Karei jak pavietranaje chulihanstva, pieradaje TASS.
«Parušeńnia pavietranaj prastory Paŭdniovaj Karei i Japonii nie dapuščana. Adlehłaść ad sprečnych astravoŭ najbližejšaha da ich samalota avijahrupy składała bolš za 25 km. Tamu dziejańni paŭdniovakarejskich ekipažaŭ nieabchodna rasceńvać jak pavietranaje chulihanstva», — skazaŭ Kobyłaš.
